E 1.4 piliona le vaegatupe faaalu e le malo I le faagaioia o le faia o tuipuipui o le faamai o le koviti 19.E lei faalauiloaina muamua ia fuainumera ona o nisi o tulaga maaleale e faatatau I maliega mo le faatauina mai o tuipuipui mai kamupani.
O lea ua faailoa e le minisita o le koviti 19 Chris Hipkins ile One News mai le vaegatupe lea e 1.4 piliona e silia ma le piliona sa faaalu I le faatauina mai o tui ma meafaigaluega faapitoa e manaomia mo le faaaogaina.Mai le piliona lea e 964.3 miliona na faaalu I pre purchase agreements ma le covax facility ina ia malupuipuia tui.
O leisi 66.3 miliona sa faaalu I le faatauina o meafaigaluega manaomia mo le faia o tui aemaise o le teuina lelei ma le feaveaiina., Faailoa e Hipkins o lea ua lava lelei vailaau mo le tuipuipui o tagata NIu Sila uma faapea foi ma le lagolago I nai atunuu tuaoi o le pasefika,
O leisi vaegatupe e 356.9 miliona sa faaaogaina mo faiga faatekonolosi e fesoasoani ai I le galuega aemaise le Medsafe ma le faia o tuipuipui I nofoaga I komiuniti. E oo mai I le taimi nei e 10 miliona tuipuipui o le Pfizer ua maea faatauina e le malo, pau lea o le tui o loo ioeina lona faaaogaina I le atunuu,
