Mo le aai o Wairoa i Hawkes Bay lea ua momotu ese atu, na faaauau ai i le po anapo galuega fesoasoani e ala i le auina atu o vai taumafa mo le tusa ma le 3,000 tagata o Wairoa.
Mai le Palemia Chris Hipkins ananafi o loo taumafai e faia se BBQ i le aso atoa ma le kilivaina atu o le 300 i le 500 pusa meaai aua aiga nei.
Ta’ua e le pulenuu o Wairoa Craig Little, o le aso ananafi na tuuina mai ai lana talosaga faalauaitele i soo se vaega tumaoti faapea pulega i lalo o faamalu a le malo ua moomia vave e lona nuu le fesoasoani.
Mo feoaiga, o lea ua toe tatala auala i le va o Napier ma Hastings, peitai o Wairoa e leai ma o loo faalagolago pea i uta faamomoli e auina atu e helikopa.
Mo asiasiga a le malo, o le taeao nei o le a malaga atu ai le alii palemia Chris Hipkins i Gisborne e asia nofoaga ua faaleagaina.
O loo faamoemoe e maua sona taimi i luga o le laueleele mo asiasiga ae e lei toe taliu i Ueligitone.
