E na o le 12 masina na faia ai e Tauranga le suiga i le aoina o le lapisi, ae ua molimauina le tele o itu lelei.
O Tauranga e faapea o se tasi o vaega o Niu Sila e lē lelei ona tuu eseese lapisi ma o lea sa tutusa uma lava otaota poo le tuu uma i le taga lapisi ae tuu i luma o le auala.
Peitai o le faia ai o le suiga ua 4 ai bin lapisi – tasi mo le recycle, tasi mo meaai lafoa’i, o le isi mo otaota masani ma le lanu samasama mo pepa iila ma atigi apa, o se faiga ua lelei mo tagata ma le siosiomaga.
O se fuafuaga na faia ina ia oo atu i le 2028 ua faaitiitia i le 50% otaota lafoa’i, peitai o le tala fiafia o lea e na o le tasi le tausaga a o lea ua ausia.
O nei bins uma e 4 e lē faapea e ao uma mai i le taimi e tasi, ma o loo iai lava foi faamanatu ua tuuina mai i luga o le app a o le’i oo i le taimi e aoina ai le bin.
O se poloketi ma se suiga e lē gata ua viia e isi aai o Niu Sila, ae o lea ua mana’o iai le matagaluega o le siosiomaga.
