Ua molia se alii i le mae’a o se faalavelave ua feta’ua’ina ai se faaoogalima i se tagata i se fale’aiga i le itu i Sisifo o Sini.
Fai mai le 9News poo le ta o le 2 i le aoauli ananafi na valaau ane ai leoleo i se fale’aiga i Carlingford, fai mai o ni tagata faigaluega matutua a le fale’aiga na vevesi ma i’u ai ina tatui se’i tulou e le tasi le isi.
Na ave atu ai le tagata faigaluega e 63 tausaga i le falema’i mo togafitiga ona o manu’aga i le ulu ma foliga ae o le isi e 46 tausaga na pu’e e leoleo mai le fale’aiga ma ave atu foi i le falema’i mo togafitiga.
Na toe faamatuu mai tua mai le falema’i ma ua molia i le faaoomanu’a.
E le’i taliaina le tatala i tua ma o le asō na tula’i ai i le faamasinoga.
E lē o manino mai le mafuaaga o le vevesi.
Puna o Faamatalaga: https://www.9news.com.au/national/sydney-restaurant-man-stabbed-carlingford/eb8c7be5-c99c-44b4-b21b-e9c37b2bdc69
