Ua vave ona toe faafoi mai pisinisi masani ma polofiti a le malaevaalele i Ueligitone, a o ta’ua mai ai lana $25.2 miliona polofiti o le tausaga.
Mai le pule sili i tala a le Stuff, Matt Clarke, o se fiafiaga tele le vave ona toe foi o auaunaga masani a le malaevaalele e pei ona sa iai a o lei sau le Koviti.
O le polofiti ua lipotia o le 12 masina na faaiuina i le faaiuga o Mati o le tausaga nei, ma pe a faapasene e tusa ma le 86% lea ua toe oo iai le pisi o auaunaga masani a le malaevaalele.
I totonu o lea piriota e tusa ma le 5.26 miliona pasese e uia le malaevaalele, ma o le 4.7 miliona o pasese femalagaa’i i totonu lava o Niu Sila ma le 564,000 o tagata mai atunuu i fafo.
Pe a faatusa i le polofiti e na o le $3 na faamauina i le tausaga talu ai poo le taimi sa na o pasese feoai i totonu o Niu Sila, o se siitaga tele e $22.2 miliona ua alu ai i luga.
