O le a vave ma faigofie ona maua e tagata ua aafia ona o sauāga matagā ma sauāga tau feusua’iga fesoasoani e tauala mai le taui o faalavelave faafuase’i.
E amata atu i le Aso Sa a loma nei ona tatala le faiga fou ua tolu tausaga o fausia ma o loo taula’i lea i tagata ua aafia ona o sauāga nei.
O fesoasoani nei e tauala mai le taui o faalavelave faafuase’i o lea e tuu mai ai le 14 itula e faatali ai faatalanoaga, peitai mo le maua atoa o le fesoasoani e aofia ai ma fesoasoani tau tupe e moomia e tatau ona faia muamua iloiloga ma o lea e faapea e fai lava si umi ona tatali ona o le to’alaiti o tagata e faia faatalanoaga.
Peitai o le faiga fou o le a faafaigofie ai ma vave ona maua e i latou nei le fesoasoani latou te moomia.
O lea foi ua iai isi providers e 250 ua faaopoopo i lalo o le auaunaga fou ma o lona uiga o le a faaitiitia ai foi ma le tali e faatali ai.
O se tasi lenei o itu o auaunaga a le taui o faalavelave faafuase’i na fesoasoani i le lata i le 39,000 tagata i le va o le 2023 ma le 2024 ma talu mai ona fai ua tusa nei ma le 91,000 tagata ua faaaogāina.
Puna o Faamatalaga: ACC launches new Sensitive Claims Service | RNZ News
