O loo taofia pea i le maota gasegase le faauluuluga o le Ekalesia Katoliko i le lalolagi, Pope Francis e pei ona faamaonia ane e sooupu a le Vatikano i le aufaasalalau i le po anapo a o faatupula’ia ai foi popolega o tagata lotu i lona soifua mālōlōina auā ua 88 tausaga o lona soifua.
O le faamatalaga mai le Vatikano ua faailoa ai o le i’uga o su’esu’ega poo tests sa faia i nai aso ua tuana’i atu na faailoa ai o loo aafia i se gasegase e aofia ai le mānava, respiratory tract infection ma ua faailoa e saienitis o lea ituaiga gasegase e mafua mai i se tuufaatasiga o vairusi eseese, siama poo bacteria.
Fai mai le 9News e leai se taimi faatulagaina e faataotolia ai i le maota gasegase ma fautuaina le lava o le mālōlōga.
Fai mai le lipoti o loo faaauau pea ona faatino isi ana galuega masani o le video call i le ekalesia i Aso Faraile ta’itasi ma Aso Toonai ma le lafoina o ana text i le Ekalesia i Aso Sa ta’itasi aemaise fesoota’iga ma le Patele Palesitina i Gaza.
Puna o Faamatalaga: https://www.9news.com.au/world/pope-francis-hospitalised-for-complex-respiratory-illness/2ad7d190-4310-45b5-a25b-ed5730f3f73c
