O Pope Leo XIV poo le tamā paia, le faauluuluga o le Ekalesia Katoliko i le lalolagi, ua folafola nei lana ulua’i malaga i Take ma Lepanona poo Sasa’e Tutotonu foi i le masina fou.
Fai mai le 9News o se avanoa tāua lea e iai lona avanoa i le talafaasolopito e faalauiloa ai le tutū faatasi o le au Kerisiano a o momoli atu se fe’au o le filemu ma le faamoemoe i tagata i Lepanona aemaise i latou i Sasa’e Tutotonu.
O le polokalame o le faigāmalaga e pei ona folasia e le Vatikano o le a faimalaga atu ai le Pope Leo mai Turkey poo Take i le aso 27 o Novema se’ia oo i le 30, malaga ane i Lepanona i le aso 30 o Novema aga’i i le aso 2 o Tesema.
Ua ta’ua i le lipoti o le malaga faapea sa fuafua iai le Tamā Paia sa iai talu ai, o Pope Francis ua tuumalo peita’i e le’i taunuu ma o lea la ua fuafua Pope Leo e faataunuu loa se’i faaoo ai fuafuaga a lona ta’ita’i sa iai.
Puna o Faamatalaga: https://www.9news.com.au/world/pope-leo-xiv-first-overseas-trip-turkey-lebanon/f2594906-26b9-4d9f-87cd-68c2227166dc
