Ua valo’ia le toe tumutumu o le ofisa o Niusila i Apia pe a toe tatala talosaga ole nofomau i lena atunuu lea ua faatulaga o le aso Gafua 3 o Oketopa e toe faagasolo ai le faia o ia talosaga, ua tolu tausaga o taofia ona o le faama’i koviti.
Ua faailoa e le Malo Niusila ile vaiaso nei lea fuafuaga, ma ua fetaui ma le umi o nofo faatali lo tatou atunuu ise taimi e toe tatala ai.
E le’o iloa pe o le a tumau pea le faiga sa faatino ai ke faiga o talosaga nofomau, pe o le a iai ni suiga ile faaaoga o fesootaiga faatekonolosi e pei ona faatino ile talosagaina o visa ma pemita e ulufale ai i Niusila mo tafaoga ma isi fuafuaga.
