Ua tu lalata le folauga a Samoa i le tau o afā ma uiga faaletonu o le tau, a o tu lalata i le faai’uga o lenei tausaga.

Ua faailoa ai e le ofisa o le vaaitau a lo tatou atunuu faamatalaga masani e tapenapena mamao ai a o le’i oo i le masina fou o Novema.

Ua valo’ia le ono iai o ni afā pe tasi i le lua e fausia i totonu o le 400 kilomita o le faataamilosaga o ogasami o Samoa i le tau o afā e amata ia Novema e oo ia Aperila o le tausaga fou 2025.

O le tasi o afā ua faapea mai le vaaitau e ono faatulaga i le vaega tolu poo le category three lona malosi, peitai o loo faatulaga aafiaga o le atunuu i le tau o afā i tulaga masani poo le normal.

O loo aafia pea le atunuu i uiga o le tau ua ta’ua o le Elnino ae ua valo’ia le suia i uiga ua faaigoaina o le La Nina i le tau amataga o le tausaga fou.

Ua valo’ia ai foi le faasolo atu ina faatupula’ia aafiaga o Samoa i timuga ma lamatia ai i lologa.