O se petition ua faatulaga I luga o le upega tafailagi a le change.org ua faailoa ai ua toeitiiti 25 afe tagata ua saini I lea fuafuaga e valaauina ai le molia o le faifeau o Brian Tamaki I lona tuufaatasia o se fuafuaga I le aso Toonai na tea nei I fafo ane o le Auckland War Memorial ao iai Aukilani I lapataiga vaega 3 o aiaiga o le vavao.
O le latou mau e tetee atu ai I le vavao o loo iai le atunuu ma ua lipotia e oo atu I le 2 afe tagata na auai ai. O le aliae o le petition I le vaiaso nei I luga o le upega tafailagi e pei ona faailoa ua faailoa ai foi ma le finagalo le fiafia o le palemia o le atunuu I lea faatatau a le alii faifeau ae fai mai Tamaki e tatau I tagata ona faafetai atu ia te ia ma ana supporters mo le tulai atu ma tetee I tulafono a le malo.
Fai mai Tamaki e sili atu ia ia le aumau I se tulaga pagatia ae saoloto nai lo le soifua I se tulaga e filemu ae pologa.
