Ua vave ona toe valaau mai supamaketi tetele o le Woolworths, Coles ma le IGA ina ia toe faafoi atu le oloa o le Jalna Yoghurt ona e ono aafia ai i gasegase pe a taumafaina ma ia toe faafoi vave atu.
E lua oloa mai le kamupani lea a le Jalna Dairy Foods Pty LTD ua toe valaauina mai ona ua lipotia o loo ono aafia i le siama o le E. coli.
O ituaiga yoghurt o le Lactose Free Vanila ma le Sweet and Creamy yoghurt lea o loo aafia ma e faatauina uma i supamaketi tetele ia i Ausetalia.
O loo iai ma se lapataiga afai o iai ni popolega ona ua tausami pe ono aafia foi i ni aafiaga tau le soifua maloloina e ao ona vaai vave se fomai.
