Valaau Luxon ia sui le minisita o leoleo

Ua valaau le ta’ita’i o le National, Christopher Luxon ia faamālōlō le minisita o leoleo o Poto Williams ona fai mai a ia o lona manatu e lē o mafai ona ia faatino le galuega o le faia o se gaioiga i vesiga a kegi. 

Ua faia lea faamatalaga a Luxon e pei ona faailoa i le One News i le mae’a o le silia ma le 20 o faalavelave e faaaogā ai fana sa matauina i totonu o le lua vaiaso. Fai mai Luxon e na te mautinoa o Williams o se tagata lelei tele peitai o loo faafaigata ona ia faia se suiga i le tofiga o loo iai. 

Fai mai le ta’ita’i o le National i sana faatalanoaga i le Breakfast o mea e tolu e ao ona faia e le malo e tali atu ai i soligatulafono o le faia faapitoa o se vaega tumau e feagai ma le mataupu i kegi, faia o Tulafono e faatatau i auupega ma toe iloilo polisi a leoleo e faatatau i mataupu faapea.  

E lē o faailoa i le lipoti se tali a Williams i lea finagalo faaalia o le ta’ita’i o le Itu agai ae o le faamatalaga a le Palemia Jacinda Ardern sa faia e tusa o le mataupu lea ma nisi o faamatalaga e faatatau i se sootaga o vesiga i kegi ma le faigamalo a le Leipa, ua ta’ua ai e le Palemia e matuai sese lava ia faamatalaga.