Ua momoli faamaisega a auaunaga a Mālō Aufaatasi i totonu o Samoa i le toalua ma le fanau aemaise o le aiga o lē sa avea ma Faauluuluga o le Ofisa o Fainumera Faamaumauiana a le Mālō o Samoa le Faletua ia Aliimuamua Malaefono Tauā -Faasalaina na tuumalo faafuasei i le faaiuga o le vaiaso na tea nei.
Ua tauala atu nei faamaisega ona o le mafutaga vāvā lalata a auaunaga eseese a Mālō Aufaatasi i le atunuu i le tomai tau i numera faamaumauina na umia e lea faletua ma se tamaitai o Samoa ma mafai ai ona galulue ma Mālō Aufaatasi i le tele o polokalame tau i le atinae e manaomia ai tomai o faamaumauga.
Faaalia i le faamavaega tusitusia le misia ia e le Faalapotopotoga o lenei tamaitai i lona galue punoua’i i le faatinoga o ona tiute tauave i le Mālō o Samoa ua mafai ai ona ausia lea tulaga manaomia i faamaumauga ma o se faamaslosiau taua foi lea mo le itupā o tamaitai o le atunuu.
E valaau le Atua i lea auauna ua maea ona toe filifilia ma tofia e faaauau lona tulaga Ofisa Sili poo le faauluuluga o le Ofisa o Numera Faamaumauina a le Mālo o Samoa mo le isi tolu tausaga.
