Faailoa mai le valaauina e le Palemia o Ausetalia o se fonotaga faavavave a le Kapeneta i le Aso Lulu o le vaiaso nei e tali atu ai i le valaau e tetee atu i sauaga i totonu o aiga.
O le asō ua atoa ai le tolu o aso sosoo o faia pea solo tetee a le faitau afe o alii ma tamaitai ua potopoto ane i Brisbane, Melepone ma le Gold Coast e finau atu i le malo ia faia se faatatau i le mataupu lea i sauaga i totonu o aiga.
Na faailoa la e le Palemia i le au solo tetee i le asō o le mataupu lea o le a laualuga i le fonotaga lea a le Kapeneta i le Aso Lulu.
Fai mai Albanese e manaomia ona faia suiga e faigamalo uma i le silasila i le mataupu lenei, e tatau ona taulai ia i latou e faatinoina ia solitulafono aemaise o le taulai o le silasila i auala e foia ai le tutupu mai o ia tulaga.
A itiiti mai e 26 tamaitai ua maliliu mai sauaga faapea i totonu o Ausetalia i le tausaga lava lenei e lei mae’a.
Puna o Faamatalaga: https://www.9news.com.au/national/gender-based-violence-demonstrations-thousands-march-in-australia-for-third-consecutive-day/c5065e81-313d-45fd-83a2-65da4b72dd22
