Toatele o loo moomia le fesoasoani i meaai.
Ua lipotia mai Kalaiesetete o le vaiaso pisi lenei ma ua alu i luga i le 25% faatusa i le tausaga talu ai le pisi o le City Mission.
Ona o le pisi tele ua le faataunuuina ai foi ma le taumafataga o le Kerisimasi e masani ona faia i tausaga taitasi ae ave le faamuamua i food parcels.
I Kalaiesetete e 1,800 food parcels o loo tufatufaina e tagata ua ofo atu o latou taimi e galulue fua ai mo le komiuniti, ma o nei pusa meaai e le gata o meaai tuuapa, aano o manufasi, meaai mo le fanau ae faapea ai foi ma mea fai meaai.
Tuu mai ia Aukilani, o le vaaiga lava foi lea e tasi i le toatele o loo faatalosagaina le fesoasoani i pusa meaai.
I auaunaga a le City Mission ua o latou molimauina le toatele o loo moomia le fesoasoani ona o le taugata o le soifuaga atoa ai ma aafiaga i tupe maua ona o le Koviti.
