O le faaiuga lenei ua faailoa ai ma vaevaega o meatotino o le uili i fanua, fale, taavale, meaafale ma tupe.

O le fanua i Vaoala e vaelua tutusa i le faletua ia Iliganoa ma Maka Sapolu. O le fanua i Aleisa e maua e Maka le tasi ma le ‘afa eka, a o le isi vaega o le fanua e vaevae i ona alo e toatolu mai lona toalua faaipoipo muamua.

O le fanua i Malolelei e aiātutusa iai Iliganoa ma Maka, o seleni o loo i teugatupe o le lua vaetolu e maua e Iliganoa ae o le tasi vaetolu e maua e Maka.

O se tasi o tamaitai faigaluega o Usha Kumart na te maua le vaegatupe e 30 afe tala.

O taavale le Toyota Landcruiser Prado ma le Toyota Hilux o meatotino mo Iliganoa Sapolu, ma le vaega mulimuli o le uili o meatotino e pei o tusi tulafono uma ma pepa o le ofisa konesale o le PL Strategy Consulting Limited e maua uma e Luamanuvao Katalaina Sapolu le tuafafine o le afioga Patu Tiavaasue Falefale Maka Sapolu.