E 51 galuega a le ESR poo le Environmental Science and Research o lea ua vaavaai e vāea, e tusa lea ma le 8% o lana aufaigaluega.
O lea fuafuaga e fesoota’i ma faatonuga o loo vāea ai tagata galulue a le malo, ma o loo faasolo nei faatalanoaga ma le aufaigaluega.
E 76 galuega o loo faatalanoa le faamuta ma o totonu o lea aofa’i o loo iai le 9 avanoa e lē o galuea’ina i lenei taimi.
O se tasi lenei o auaunaga na vave ona faaopoopo ona tagata galulue i taimi o le Koviti peitai o lea ua tele ina uma tupe na faamatuu mai mo poloketi o le Koviti ma ua moomia ai le faaitiitia o tupe faaalu ma galue e fua i tupe o loo aumai i le paketi.
Mai le PSA, o se fuafuaga o le a mamulu atu ai tagata su’esu’e faapitoa e aofia ai ma saienitisi peitai o i latou nei e moomia mo su’esu’ega atili auā le manuia lautele o tagata o le atunuu.
Puna o Faamatalaga: ESR proposes to cut 8% of its workforce, 51 jobs
