E toatele pisinisi ua vaavaai o le a sii totogi o tagata faigaluega i le tausaga nei.
I suesuega a le Hays lea o loo suea tagata galulue na maua ai o le 95% o pisinisi ua agai i le itu lea.
Peitai, e ese foi le vaai a le toatele o tagata faigaluega, e 52% ua fai mai e sili ai le sue o se isi avanoa faigaluega e sili atu le totogi.
Fesoasoani mai ai le Unite Union, o le taimi nei o lea e saofai le inflation i le 6.7% ma o lona uiga o i e tatau ona amata faavae mai ai le finau a tagata faigaluega a o mafaufau ai e fetuunai totogi.
Ua toe ta’utino ai foi le iuni o le toatele o tagata faigaluega o le lē maua o nisi avanoa faigaluega e lelei totogi e mafua ai lava ona toe nonofo.
O le suesuega lenei ua toe laga ai foi le fesiligia o nisi pisinisi o loo totogi maualuga tagata fou o loo aumai pe a faatusa i le au tuai, ae le gata i lea o le toatele o tagata e mananao e galulue mai le fale e pei ona ioe iai le 65% o i latou na suesue.
I le aotelega o le suesuega, e le ogatasi manaoga o falefaigaluega ma tagata galulue e le gata i le itu tau i totogi ae faapea penefti.
