O loo taumafai le malo e fetuunai pe a faafefea ona taofia le faiga o loo totogi faasili ai tagata faigaluega a le malo e lelei le tautatala i le gagana Maori.

A o lē mafai ai ona toe faia se faiga e suia ai alauni a i latou o loo maua i le taimi nei, o lea ua saili e le minisita o tagata faigaluega a le malo o ia foi o le minisita o tupe, Nicola Willis, fautuaga e mafai ai ona taofia.

O se faiga o loo matuai tetee malosi mai e iuni, ma ua fai mai foi le iuni o loo tu mo faiaoga o aoga tulagalua e mautinoa e lē lagolagoina e le faitau afe o ona sui le faiga ua vaavaai iai le malo.

E silia ma le 12 faalapotopotoga a le malo o loo totogiina alauni ua ta’ua o te Reo Allowances e amata mai le $500 e oo atu i le $3,500 i le tausaga.