O le vaiaso na mavae atu nei na faataunuu ai le faigā filifiliga a komiti faafoe o puleganuu, e pei ona faailo ai i faitauga lē aloa’ia, faamauina ai le toe filifilia ai o le alii o Wyane Brown ua toe avea nei ma pulenuu o Aukilani e pei ona faamauina e 146,642 palota na ia maua.
Maualuga ai i ē na o latou tamomo’e faatasi Kerrin Leoni (56,612) ma Ted Johnston (21,661).
Molimauina le maualuga o le numera o tagata e faasinomaga Pasefika na tausiniō i lenei tausaga.
O nisi ua toe faamanuiaina ma nisi fou ua maua o latou avanoa e tautua ai mo tagatānuu o lea itumalo ma lea itumalo.
O le au Pasefika ua tula’i mai mo le Pulega a Aukilani, e aofia ai i le itu o Manukau, o Alf Filipaina ma Lotu Fuli, o Josephine Bartley i Maungakiekie-Tāmaki, o Victoria Short na manumālō mai i Albany,
Maituina le suipi ai o sui o le Vaega faaupufai a le Leipa i Māngere-Ōtāhuhu ma Ōtara-Papatoetoe Local Boards, ua mauaa ai le tulaga o le patī i tagata Pasefika i Aukilani i Saute, e pei ona manumālō ai Apulu Reece Autagavaia.
O Italia Tipelū-Marsters filifilia i Manurewa, Felicity Auva’a mo Papakura, Lesieli Oliver Franklin Local Board.
I Aukilani i Sisifo na toe filifilia ai Fasitua Amosa ma Oscar Kightley ma o le a galulue nei ma sui filifilia fou Fania Kapao ma Jacqui Tay.
Ua toe ofi mai Marcus Seāliitu Amosa mo le Portage Licensing Trust.
O faai’uga o nei palota o loo maitauina ai o le telē o le agavaa o tagatānuu Pasefika ua mafai ona maua ia avanoa i totonu o komiti faafoe o puleganuu i totonu o Aukilani.
Puna o Faamatalaga: https://www.rnz.co.nz/news/ldr/575698/pasifika-leaders-and-newcomers-compete-in-auckland-elections
