O loo vaavaai le malo e toe faaauau pea ona faatumau le tulafono o loo mafai ai ona faia sa o le Koviti-19, poo le Covid-19 Act.
I le mae’a ai o le fonotaga a le Kapeneta ananafi na atagia mai ai i saunoaga a le taitai o le atunuu, Jacinda Ardern e le vave mai se aso e mama ai tapu, ma ua sau ai a o toe alu i luga cases faapea isi vairusi o loo agai mai.
O le aso o le a faailoa mai ai e le malo pe toe faafou faasilasilaga mo tapenaga, lea o loo mafai ai ona faia tulafono o le Koviti e le au faipolokiki.
Saunoa Jacinda ananafi e le o mafai ona faamautinoa mai poo afea e aveesea uma ai sa o loo iai nei.
O Me o le tausaga fou lea na tuu e faamuta ai le malosiaga o le tulafono ua toe talanoaina nei lona teuteuina, ma o a foi suiga e oo iai o le a uia uma e ala i le pasia muamua i totonu o le maota.
Ae i se toe tepa i cases faamauina i le vaiaso talu ai, 14,311 cases fou o le Koviti i le komiuniti, 34 tagata maliliu faaopoopo ae latalata i le 200 tagata maua i le vairusi taofia i falemai e oo mai i le faaiuga o le vaiaso.
