Faitau selau tagata faigaluega tāua o frontline staff a le Auckland Council e ono alu la latou tetee e mafua mai i le lē fiafia i maliega o totogi.
O tagata galulue nei a le Council o loo i call centres, faletusi, community centres faapea i latou o loo asiasia fale o loo fau.
I le molimau a le iuni a le PSA o loo ta’ua ai o lea sa faia fetuunaiga i le va o le iuni ma le pulega faatatau i le 5.9% siitaga o totogi, peimeni e na o le faatasi ona maua o le a sii mai le $250 i le $500 faapea ai ma se tasi o ofo e unaia ai le aufaigaluega e galulue ma tuuitiitia aso livi.
Peitai o se fetuunaiga ua leai mai le pulega a le Auckland Council o le a ia sainia, ma ua leai mai foi i le sii o le peimeni i le $500 atoa ai ma le ofo mo aso livi.
O se faaiuga ua faateia ai le iuni, ma i ripoti a le Herald o le 85% o le aufaigaluega na palota e aua nei sainia le tali mai a le pulega.
O lea ua toe faatalanoa lenei mataupu i le va o le iuni ma le pulega, ma e le o mafai ona faalauiloa faalauaitele mai i tua a o feutagai ai, ae afai ae leai se tala fiafia mo le frontline staff o lona uiga o le a oo loa i le solo tetee.
