E silia ma le tasi miliona le tau o le laau Kerisimasi i le taulaga faatau i Aukilani o lea ua toe upuia ai le puleganuu a le aai i lona faaalu tupe.
E 18 mita le umī o le laau Kerisimasi lenei e faapea e tu i Queen Street, ma e ui e lē o faamanino mai e le puleganuu pe fia sa’o le tau, ae mai le Auckland Ratepayers’ Alliance e oo atu i le $1.3 miliona.
Mai lea vaegatupe tele e oo atu i le $800,000 o loo faatupe e le puleganuu a Aukilani mo le laau ae o isi uma faalapotopotoga tuma’oti e aofia ai le Heart of the City, asosi o pisinisi i le taulaga ma isi e ānaina fanua nei o i latou nei o loo faatupeina le isi uma vaega.
Fai mai ai le Auckland Ratepayers Alliance, se tasi o itutino o le iuni a le Taxpayers’ Union o lea na faatalosaga aga’i i le puleganuu i le tau o le laau Kerisimasi, peitai e leai se tali toe sau foi le pepa o faamatalaga i le Aso Faraile talu ai, e misi.
O le laau Kerisimasi lenei e faapea e amata fau i le faai’uga o le vaiaso lenei ae amata mumū mai le aso 23 o le masina lava lenei.
Puna o Faamatalaga: Auckland Council criticised over million-dollar Christmas tree for lower Queen Street | RNZ News
