O Samoa o loo fa’afoe ana pulegamalo i ta’iala o pulega lelei, ae faasilisili le tausia o le filemu, ae o le laualuga o le silasila mamao i lona atina’e o lu’itau i suiga o le tau, ma puipuiga o lona siosiomaga mai faafitauli o loo feagai nei ma malo lāiti ma tau atina’e o latou tamaoaiga o loo lavea ai ma Samoa.

O nisi ia o vaega tetele sa autu iai le saunoaga a le tama’ita’i sui palemia le afioga, Mulipola Anarosa Ale Molioo i lana folasaga i luma o le tauaofiaga lona 81 a Malo Aufa’atasi lea sa fofogaina i le taeao o le Aso Toonai na te’a nei i le nofoaga tutotonu o Malo Aufaatasi o loo i le aai o Niu Ioka i Amerika.

Advertisement

Sa faaleo ai e le sui palemia le tāua tele o le galulue ma le tutū faatasi o malo e sa’ili auala e una’ia ai le atina’e o malo laiti aemaise lava ilo latou puipuiga mai suiga tetele o le tau. O le i’ugafono a malo o le taupulega na faamautu i le fono i Samoa i le tausaga e 2024 i le tafi’esea o uga poo plastics, ma le faatino o auala e faaititia ai ia otaota ua lamatia ai le ola saogalemū o meaola o le sami o loo ave iai le faamuamua a Samoa.

O le tasi o vaega tāua i le saunoaga a le sui palemia sa faafofoga iai ta’ita’i ma usugafono o le valaau e taofia loa taua o loo aafia ai le atunuu o Ukraine ma tagata Palesitina i le nofoaga o Gaza ma le tu’uālalo a Samoa ua tatau ona faamuta ai ma sauaga o loo aafia ai le soifua saogalemu o tagata. O le faamuamua a Samoa e pei ona faailoa e le sui palemia i le fonotaga o le lumanaia manuia oo tatou tagata e ala i le atina’e o itumalo faapalota e 51.

Audio cut : Deputy PM

O le folasaga foi a le sui palemia le afioga Mulipola Anarosa Ale Molioo i le fono lona 81 a Malo Aufaatasi na molimoli ai le faafetai i le sa avea ma Failautusi ia Antonio Gutteres i lona sao i le fa’afoeina o le faalapotopotoga a o avea ma Failautusi Aoao.

O le fono i le tausaga nei ua mae’a ai le taimi galue o Antonio i le tofiga o le faauluuluga o Malo Aufa’atasi