Ua upuia e le iuni le iunivesite a Massey i le toe sau ai o le isi tala o le a vāea le silia ma le selau tagata faigaluega.
O tagata faigaluega i le natural science ma le food advanced technology lea ua fai mai le iunivesite a Massey e manao ina faaitiitia i le 60% tagata faigaluega, tusa ma le silia ma le tasi selau tagata e tatau ona o.
Ua sau ai i le mae’a faatofa mai o le silia ma le luaselau i le masina o Iulai.
Mai le Tertiary Education Union, o tagata nei e mananao le iunivesite e vāea e aofia ai polofesa, lecturers poo faiaoga faapea ai ma frontline technicians ma afai ae taunuu o le a pa’ū ai ma le tulaga tau aoaoga faasaienisi i le iunivesite.
Mai le iunivesite, e lē faigofie peitai e tutusa lava foi luitau o loo ui ai Massey ma isi iunivesite, ma ua moomia le faaitiitia o tupe faaalu.
O se fuafuaga o loo faasolo ai nei faatalanoaga, ma o le masina fou e mautinoa ai le taunuu poo le lē faataunuuina o le vāea ua faailoa mai.
