Ua lipotia le upuia o Ausetalia i le fonotaga o loo faagasolo nei a le CHOGM i Samoa ona o le lē lava o ana gaioiga e faia e faatatau i suiga o le tau ma ua tuuina ai pea atunuu laiti i le Pasefika i se tulaga lamatia.

O se lipoti na faalauiloa ua faamanino ai o Ausetalia, Kanata ma United Kingdom o atunuu ia o loo aupito tele ai le kasa kaponi o loo faaalu ane i le siosiomaga.

O lea lipoti ua faaulutala Uncommon Wealth ma ua ta’ua ai o atunuu e pei o Ausetalia o loo faaaluina ane se vaega tele o ia kasa i le siomaga ae o atumotu lava o le Pasefika o loo aupito i ogaoga ai aafiaga ma ua valaau ai atumotu o loo i le fonotaga ia Ausetalia, Kanata ma UK ina ia faaitiitia le gaosia o le koale ma le kesi.

Fai mai le minisita o le va i fafo a Tuvalu, o se faasalaga oti lava mo atumotu laiti pe afai e faaauau pea ia faiga a atunuu tetele nei e tolu.

Puna o Faamatalaga: https://www.9news.com.au/national/australia-climate-pressure-commonwealth-heads-of-government-meeting/c36e4936-5df7-4724-ad3c-82a0743683b4