Annual leave poo aso livi faaletausaga e leai se limiti poo se faatapulaa.
O le Actionstep e talitonu o le uluai kamupani Niu Sila ua ia faataitaia le saoloto o le umi e ave ai aso livi o tagata o lana aufaigaluega, ma e tausaga atoa na trial mai ai.
Ua lipotia e le 1News ona o taunuuga manuia na maua mai le trial sa faia, o lea ua aloaia ai nei lea suiga tele toe fou i le faalogo a le toatele, o le mafai ona e alu e ave ou aso livi e aunoa ma se faatapulaa.
Molimau a le kamupani o se laasaga tele na laasia e le kamupani i totonu o le tausaga na faataitai mai ai, ma i la latou maitau o le itu e aupito i sili ona siitia lona tulaga faalefaigaluega o le galulue faatasi o le aufaigaluega ina ia mafai ona faasoasoa ma maua uma aso o loo moomia e tagata taitoatasi e o ai e ave livi.
Ua ta’ua ai e le sui peresetene o le Actionstep, Stevie Mayhew o se faiga o loo iai lava taiala e tatau ona faamalieina ma ua faamatalaina o se high-trust model.
