Ua saunoa le failautusi o matāupu faalotoifale a le United Kingdom, Shabana Mahmood, o tagata malaga atu faasolitulafono i le atunuu ua afaina ai le atunuu ma fevaevaea’i.
Ua ia faia ia faamatalaga a o sauni e faailoa ni tuutuuga ua faia ma fuafuaga tetele e faatatau i le asylum policy lea e aofia ai le to’atele o tagata sulufa’i atu i le UK.
Ta’ua e le BBC o nisi mea fou o le a faailoa e aofia ai le mana’omia ona nofo o le tagata mo le 20 tausaga i le United Kingdom faato’ā mafai ona tuu iai le avanoa e aumau tumau ai i le atunuu.
O le isi tulaga e pei ona lipotia, o i latou o tagata sulufa’i e mafai ona faatonuina e toe foi i o latou atunuu pe a oo ina toe sologa lelei mea uma.
I se faatalanoaga a le BBC ma le failautusi o le isi vaega faaupufai le Conservatives na ta’ua ai e le latou failautusi, ana o latou lea e tu malo latou te toe tipoti uma le au nofo solitulafono i le atunuu i totonu o se vaiaso.
O loo finau ane le vaega a le Liberal Democrat e tatau ona iai le aiā tatau a tagata sulufa’i, asylum seekers e faigaluega ai.
Ua faailoa foi i lea lava lipoti o le a folafola e le UK lo latou taofia o le tuuina o visa i tagata mai Angola, Namibia ma le Democratic Republic of Congo pe afai e leai se gaioiga a o latou atunuu e faaleleia le galulue faatasi i le toe faafoi ane o o latou tagata.
Puna o Faamatalaga: https://www.bbc.com/news/live/c2059g6757qt
