Ua unaia e le Soifua Maloloina a Niu Sa Uelese mātua ina ia faia tuipuipui o le fanau mai le flu ina ua maitauina le toatele o tamaiti ua taofia i falemai aemaise foi tagata ua taofia i potu tigaina ona o le vairusi.
Fai mai le matagaluega o le ‘afa o i latou o loo agai atu i falemai mo toafitiga o tamaiti e amata mai le 16 tausaga agai i lalo.
O Kerry Chant le Ofisa Sili o le soifua maloloina ua ia faailoa e toa 12 tamaiti ua aveina atu i vaega tigaina o le falemai mo togafitiga ma e faamaonia mai foi o le tele o tamaiti o loo taofia i le ICU e leai ni o latou faaletonu na iai muamua tau le soifua maloloina.
Ua faailoa e Chant i le ABC e le masani ai le tulaga lea i le flu ma ua ese mai lenei tausaga.
Faailoa e le Ofisa Sili o le Influenza virus B e foliga mai e ogaoga ona aafiaga, na ia faamanatu foi o loo faaauau pea lava ona faataamilo le vairusi o le koviti i le komiuniti ma e ao lava ona faaeteete ma fai tuipuipui mo le saogalemu.
