Ua umi tele tausaga o faaleagaina vai o Hokianga ona o vai leaga mai otaota poo wastewater.

O tane o loo alu iai vai leaga nei a oo ina tumu ma oso i fafo, o taimi ia e toe sau ai le vai leaga ma faaleagaina le vaitafe ma oo atu ai i le sami i Hokianga.

O tanevai nei na fau i taimi o le 80 ma o taimi e timuga ai, o taimi faigata ia.

O le toatele o aiga Hokianga ua toe molimau i tala a le Newshub i le faanoanoa tele i le umi o tausaga o feagai ma lenei faafitauli, aemaise ua lē talitonuina ai ma le sami i se taele.

I le tele o tausaga o lea na taumafai e tagata Hokianga metotia eseese faatasi ai ma le Council se’i fesoasoani e foia ai le faafitauli, peitai e foliga mai e lē o lava.