E umi se taimi o faatali talosaga a nisi o paaga a le Southern Cross Travel Insurance.
O lea ua faailoa e le Southern Cross i tagata o loo faaulu atu talosaga o loo umi le taimi e faatali ai, ma o lea faatoa oo iloiloga i talosaga o le amataga o Setema o le tausaga faatoa uma atu.
O lona uiga e iai tagata ua 4 ma le ‘afa masina o faatali.
Na molimai ai le pule sili Jo McCauley i tala a le Herald o se faanoanoaga le faatuai o iai nei ma o loo taumafai ia uma ane Fepuari ua tele talosaga faagaioi i totonu o le 15 aso faigaluega.
Tautino McCauley e lei mafaufauina o se vave lea e toe oo iai le pisi o femalagaa’iga a tagata faavaomalo i le faatoa uma ai o le Koviti, peitai o lea sa toatele le aufaigaluega na vāea ma o le isi foi lea mafuaaga ona e le o faigofie le toe sailiga o nisi tagata galulue.
Ua faaopoopo ai inisiua i le lisi o luitau o loo ui ai nei le maketi o turisi e le gata i le taugata o feoaiga, tau sue ni tagata galulue i malaevaalele ona o le pisi ae o le leiloloa foi o ato a pasese.
