Ua uma le ola o se tama talavou ua lipotia mai na tui e se tagata sei tulou i le po o le Aso Sa i Coffs Harbour i le setete o Niu Sa Uelese. 

Na valaau ane leoleo i Pacific Street i Corindi Beach a o lei tāina le ono i le afiafi o le Aso Sa ma maua atu ai le talavou lea e 16 tausaga o iai manu’aga, faavave atu i le Health Campus mo togaitiga ae na maliu lava mulimuli ane. 

Ua mae’a faatalanoa e leoleo nisi tagata e tusa o lenei faaalvelave ma faia foi sailiga i le vaega na tupu ai le faalavelave.

O loo talosaga foi leoleo i soo se tagata e silafia ni faamatalaga i le mataupu lenei ina ia faafesootai le crimestoppers.

E lē o faamatalaina mai le mafuaaga o le faalavelave ona o loo faaaauau pea suesuega a leoleo.