E iai le teineititi e na o le fa tausaga ua uma lona ola i le po anapo ina ua lavea i se taavale i le itu i Sisifo o Melepone.
O loo lipotia e le Alaata 9 a Ausetaia o le teineititi na lavea i le fetaula’iga ala o Derrimut ma Heaths Road i Hoppers Crossing poo le tea laititi o le fitu i le po anapo.
Na aveina atu i le falemai ae maliu ai lava mulimuli ane.
Fai mai le lipoti na tu le taavale a le alii e 20 tausaga mai Werribee lea na aveina le taavale ma o loo faatalanoa e leoleoo ia latou suesuega.
E lei faamatuuina mai i le taimi nei le atoaga o le mafuaaga o le faalavelave ma o loo tau sailia nei e leoleo nisi e iai ni ata poo ni vaaiga o le taimi o le faalavelave e fesoasoani ai i le latou sailiga.
