E 4 tausaga le matua o si tamaitiiti ua uma lona ola i le afi na sasao ane i se fale i Perth i le itu i Saute na valaau ane ai fuimu i Meadow Springs i Mandurah, 70km mai Western Australia i le aoauli ananafi.
Fai mai o le taimi lea pe ā ma le 40tikeri le vevela o le ea ma o le faamatalaga a leoleo o si tamaitiiti 4 tausaga na toso ese mai le fale na mu peitai e le’i mafai ona faasaoina.
E to’alua isi tamaiti na ave atu i le falema’i mo togafitiga ina ua mānavaina le asu ma e lē o masalomia e leoleo le mafuaaga o le afi ae o loo faatino pea le su’esu’ega a le fuimu e faamautu ai ma tuuina atu se lipoti i le coroner.
O se tala faanoanoa mo si aiga ua aafia aemaise si tamaitiiti ua uma lona ola i lea faalavelave ae toe o nai aso aulia le Kerisimasi.
Puna o Faamatalaga: https://7news.com.au/news/bushfires/boy-4-dies-in-meadow-springs-house-fire-in-wa-days-before-christmas-c-17170844
