Ua mautinoa le tulai mai o le pulenuu aupito i laitiiti lona matua i talafaasolopito o Niu Sila.
E 18 tausaga talu ona pulenuu Tracy Hicks a o lea ua suia e Ben Bell, 23 tausaga ma i le mae’a ai o le faitauga aloaia o palota e na o le 8 lava palota e silia ai le alii talavou.
O le pulenuu lenei o le itumalo o Gore, o le a faatauto faatasi ma councillors a le itumalo i le faaiuga o le masina nei.
O le molimau a Bell, o le toatele o tupulaga talavou na maua i taimi o ana faatosina na maua lea i luga o le social media, ma e lei faigofie lona taumafai e faatalanoa tagata matutua ma o lea na taumafai ai e alu i nofoaga e pei o le RSA ina ia maua ai.
Ae i le aotelega o faaiuga o faigapalota faaitumalo, leai se suiga tele i le mae’a faitau ai o palota faapitoa.
Ae i le tuu mai i le aai tele o Aukilani, o le asō lea na tuu e faailoa mai ai le iuga aloaia peitai ona o le tele naua o palota faapitoa o lea ua toe tuu atu ai i le aso a taeao.
