O le tamaitai o Dr Jaye Moors o se tamaitai Samoa foi, o ia lea ua faamaonia mai o le ulua’i tagata i le Pasefika ua faauuina i le faailoga o le PHD in Biochemistry i le Iunivesite o Otago, i le vaega sa a’otauina ai e faaigoa i le faaperetania o le genetics of cardiometabolic disease i komiuniti a Maori ma le Pasifika i NZ.
O Moors na soifua ane i Niu Sila nei ae sa iai foi se vaega o lona soifua na aumau i lona aiga i Samoa a o itiiti. Fai mai a ia i le tusitusiga i luga o le upega tafailagi a le Iunivesite a Otago o tagata na lagolagoina o ia na te faaigoa o se nuu atoa mae faafetaia ona matua ma aia ona o lo latou sao tele i le fesoasoani ai i lana taumafai.
Ta’ua foi e sia tamaitai talavou e fia galue pea ia malamalama i ituaiga o tagata e iai tagata Pasefika e ala i le su’esu’eina o genes o le tagata e aofia ai le ga’o o le toto poo le cholesterol metabolism. Ua ia faaalia e faatasi ai ma le siisii o le good cholesterol ma le pa’ū maualalo o le bad cholesterol. O nei suesuega na lagoalgoina e le Health Research Council Pacific PHD sikolasipi ma na vaavaaia e le alii polofesa o Tony Merriman (University of Alabama) ma le polofesa lagolago Mele Taumoepeau (Victoria University Wellington)
Ua ia tuuina foi se faamalosi i nisi tama ma teine Pasefika e fia su’esu’e i lea foi vaega ina ia faamalosia ai ma avea o nisi saienitisi mai le Pasefika i le lumanai.
