O le uluai taimi lenei ua faia ai se sauniga faamanuia e ala I le ava o feiloaiga e faafeiloai ai sui faipule fou ua ofi atu I le palemene a NZ
O se uluai paeaiga lenei ua toatele ai sui faipule Pasefika lea ua oo atu I le 11, ma o le ava o feiloaiga na faia faapitoa mo sui fou e toa5 o le Leipa ma le Greens
E le gata lava I le ava a Samoa, ae na faamanatu ai foi ma le Turou a le Atu Kuki aua le faipule o le Greens ia Teanau Tuiono
Talia ai ma faafeiloai e le faipule Pasefika sinia ia Carmel Sepuloni sui faipule fou ua faamanuiaina mai I lenei paeaiga
Saunoa foi le minisita o tagata Pasefika, Aupito William Sio, o lenei sauniga ua avatu ai se faailo I tagata NZ, e iai le sootaga o tagata Pasefika I totonu o NZ
O le aso e faia ai saunoaga aloaia faaulufale I le maota poo maiden speech a nisi o sui faipule Pasefika fou na faamanuaiaina I le sauniga lenei I le amata o le vaiaso.
