.
Ua saunoa le Peresitene o Ukraine, Volodymyr Zelensky i le vaiaso nei ua taliaina e lona atunuu le maliega e 30 aso e taofia ai taua i le va ma Lusia; i le mae’a ai o se talanoaga ma se fuafuaga a Amerika na faaalia i le fonotaga sa faia i sui o atunuu e lua i Saudi Arabia.
O le ceasefire proposal lea ua taliaina e Ukraine ua taofia uma ai fetau’iga ma Lusia i le ea, sami ma le laueleele ma o loo tālia se ifinagalo a Lusia i lea maliega ma amata faamamalu ai loa.
Ta’ua e sui o Amerika sa auai i le fonotaga, pau le tulaga o totoe o le faatali iai o le ioe mai o Lusia i lea maliega ona faamamaluina loa lea. O le vaiaso nei o loo fetauaina ai se feiloaiga a Trump ma le taitai o Lusia.
Ua faailoa mai ai foi ua toe faaauau le fesoasoani tau le puipuiga a Amerika mo Ukraine.
Puna o Faamatalaga: https://edition.cnn.com/2025/03/11/world/ukraine-us-talks-saudi-arabia-intl/index.html
