Ua faamatala e se tinā mai Initia le tulaga na oo i si ana tama e 22 tausaga, o se alii Initia sa a’oga i mea tau komepiuta i Lusia, lea na feta’ua’ina sa tau o se fitafita i le vaegaau a Lusia ae pu’e e fitafita a Ukraine ma o se matāupu ua su’esu’eina nei e le ofisa o le va i fafo a Initia.
Fai mai le tinā i le BBC o lana tama o Sahil Majothi na lesitala i le ami a Lusia ina ia ‘alofia ai le loka i moliaga tau fualaau faasāina ae o se matāupu sa tuua’ia sese ai lana tama.
O ia la le ulua’i tagatānuu o Initia ua taofia i se tulaga faapea i le taimi o taua o loo faia pea ma ua faailoa e le ofisa o le va i fafo a Initia o loo faia nei le su’esu’ega ae le’i maua lava se tali mautū mai Ukraine ma ua sa’ilia foi e le BBC se faamatalaga mai le malo o Lusia.
Ua ta’ua foi i le lipoti se faamatalaga mai le alii o loo taofia e faapea e to’atele tagata na folafola atu ia te ia le mau tupe pe a lesitala i le ami ma e oo i le faitau miliona na ofo atu peita’i e leai ma se tupe ua maua.
Puna o Faamatalaga: https://www.bbc.com/news/articles/cwy870p96yjo
