O le faletupe o le RBA poo le Reserve Bank of Australia e moni sa itiiti tupe na o latou totogiina ai le silia ma le afe o a latou tagata faigaluega o loo iai i le taimi nei ma isi ua lē o toe faigaluega.

O le iloiloga sa faatino e le faletupe faatasi ma le au suetusi o le Price Waterhouse Coopersua iloa ai e 1173 tagata faigaluega a le faletupe o loo aitalafu ai le faletupe i le tusa ma le $1.15 miliona pe a tuufaatasi.

Fai mai le faletupe o le tele o mea ia e lei sa’o ona totogi e mafua mai i le lē sa’o o le faaopoopoina o penefiti tau galuega i tagata sa galulue muamua i le kamupani.

Saunoa sa latou sooupu o loo fuafua le faletupe e toe totogi uma tupe i tagata faigaluega na aafia ma ua faailoa foi lea tulaga i le Komesina o Sulufaiga ma Iuni o tagata faigaluega.

Fai mai le lipoti ua mae’a logoina foi tagata faigaluega o loo aofia i lea tulaga o le a toe totogi iai ia tupe.