O si aiga i Sini lea sa faatalitali le taimi e toe tipoti ese ai ma Ausetalia, ua mafai nei ona o latou ta’ua Ausetalia o lo latou aiga i le mae’a o le 13 tausaga talu ona taunuu mai i le atunuu. 

O le Mills Family ua taunuu a latou moemitiga i le asō ina faamatuu atu iai e le ofisa o femalagaaiga lo latou nofomau.

O le faaiuga ua tuuina ane i si aiga lea o le ulugalii ma le la fanau e toatolu i le mae’a ona taofia mo le fā itula e le immigration.

O le latou faamatalaga sa o latou faia mea sa’o uma e tusa o talosaga peitai o le lē laki lava aemaise o le fesuisuiai o tulafono a le immigration.

Sa aumau i Sini ma taumafai e faamautu ai si o latou aiga ma sa ola ane foi se tasi o le fanau i Ausetalia.

E na o le minisita o femalagaiga e mafai ona ia suia le faaiuga na tuu ane i si aiga, lea la ua tuuina nei iai le nofomau ma ua toe taunuu ai ma le moemitiga e aumau pea i Ausetalia.