O le faamatalaina lea e nisi o tagata Aukilani o loo nonofo eseese e oo mai i le taimi nei, talu ona aveesea faamalosi o latou fale ona o lologa na iai i le amataga o le tausaga.
O le molimau i tala a le 1News, o lea aiga o isi ua nonofo i le caravan, o nisi o le fanau ua nonofo ma mātua o latou mātua a o isi o loo nonofo i fale o a latou uo ona o lea lava e lē o mafai ona toe fau lo latou fale i Ranui seiloga e uma iloiloga a le Council a Aukilani.
O le amataga o le vaiaso talu ai na fai mai ai le Council ua amata iloiloga ma faasolo atu ai i le 5000 fale taitasi o aiga.
O le vaiaso fou o le a amata suesue ai e inisinia ua ta’ua o geotechnical le 250 fale o aiga, ma ua faamaonia mai ai foi e le sui o le Council e lē o faigofie foi le utiuti o tagata e faia nei suesuega.
Sa saunoa le faatonu o le West Auckland Is Flooding, o Lyall Carter, a o malamalama ai i le tele o galuega fai a le Council ua iai nei, ae lē o suia ai lo latou lē fiafia ona ua faitau tausaga o fai atu iai e faia se fuafuaga i alavai ma ogapaipa.
