O Byron Waller, e 16 tausaga le matua ua tusia nei i talafaasolopito lona tauaveina ai o le vaalele e malaga taamilo ai i le lalolagi mo le 67 o aso.
O se matāti’a aupito i mata’ina lea i se olaga o se talavou.
I lipoti mai le TVNZ na faamaonia ai na amata lana malaga mai Brisbane ma faai’u i Brisbane lava.
Faamauina sa mafai ona o la malaga faatasi ma lona faia’oga (instructor) ae na lele lava e Byron le vaalele i mo le 67 o aso; ma le lata i le 20 o atunuu ma teritori na tu ai le sā a lea alii talavou ma si ana faia’oga.
Ta’ua tulaga lelei ma le umi ona tauaveina ai e Byron o le vaalele e pei ona faamaonia o le tasi o malaga e 17 itula lelei o lele e Byron le vaalele.
O Byron na ta’ua sa tele lava faafitauli na fetaia’i ma ia e pei o lona soifua mālōlōina.
O le tele o le taimi i lona ola tuputupu a’e e iai lava i le falema’i ona o ni gasegase, ma o le tausaga na te’a nei na faamauina ai e foma’i e maua o ia i le ma’i o le Crohn’s Disease.
Ae i le faatalanoaga a lea alii ma le TVNZ a o iai i le vae mulimuli o lana malaga mai Niu Kaletonia, na ia faamalosi’au ai i tupulaga talavou, poo le ā la le faafitauli e feagai ma i latou, e lē avea lea ma tulaga e taofia ai lou tagata mai le taumafai, aua foi le faavaivai; ae e mafai mea uma pe a talitonu ma finau le tagata.
O loo alala lea alii ma ona mātua i Ausetalia, ae o se tagata Kiwi maioio, e pei ona ia faailo o lona tuaa tinā o le tagata Niu Sila.
Puna o Faamatalaga: https://www.1news.co.nz/2025/10/15/teen-pilot-with-kiwi-roots-sets-new-record-circling-the-globe/
