O le pasiaina o le tulafono o le Export Authority a Samoa, e lē o se mea na faato’ā tapena nei.
O le faama’ite ma le tapenaga sa tapena mai ai le faigamalo o le Faatuatua i le Atua Samoa ua Tasi i le taimi o le faigāpalota.
O le tasi lea manulauti sa lilifa iai le Faatuatua i le Atua Samoa ua Tasi.
Sa talanoa le economic team poo le ā se auala e siitia ai tupe maua fou a le atunuu.
E taunuu mai le faigamalo fou i totonu e pito sili ona pa’ū maualalo oloa e auina atu i fafo a le atunuu.
O le mafaufauga fou na mafua ai ona toe lalaga o le matafaioi a le malo, le matafaioi lea na tia’i e le malo ina ua gaulele le Esetete Tausi, ae o le taimi lea o loo iai le tatou PMD Produce Marketing Division o le latou matafaioi o le fesoasoani lea i le aveina o fua o faaeleeleaga a le atunuu i fafo mai le tausaga 1960, 1970 ma le 1980.
Ina ua mae’a na tausaga ona tuu loa lea o nai tagata fai oloa e o latou.
O le 60% i le 70% le tupe maua a le malo sa maua mai lea i fua o faaeleeleaga.
E fou nei le tele o nisi o tatou oloa lea ua mafai ona gaosi e pei o meataulima, o lavalava ma isi tatou oloa fou ae o le ivitu lava ia o Samoa sa iai o fua o faaeleeleaga ma faigafaiva.
Ua manatu la le faigamalo ua tatau ona toe oo iai i lea tulaga.
Ua tautalagia foi e le Palemene o nei mea ua faaletonu, auā ua tapuni le Copra Board, Cocoa Board, Taro Export ma le fa’i ona o le faaletonu sa iai i lena vaitaimi.
Na tatou valetuulima loa i na mea, tuu loa ua lē toe faia ae tifatō ai loa i lalo le tupe maua mai a tatou oloa e auina atu i fafo.
O le mafaufauga autū o le toe tulai mai o le malo, ia toe ta’ita’i le feutagaina o malo.
Malo o Samoa e talanoa atu i le malo o Niu Sila, Ausetalia ma isi atunuu ina ia faafaigofie fesoota’iga i tagata faioloa.
E momoli foi le agaga faafetai i o tatou tagata fai oloa leaga o loo alu lava le tagata latou.
Ae o le taimi lenei ua faigata ma mamafa tulafono ua iai tatou oloa e auina atu i fafo ona ua tilotilo atunuu i fafo ne’i iai ni oloa e ono maua i se faama’i.
O le toe tulai mai o le malo, ina ia toe ta’ita’i le auina atu o oloa a le atunuu i fafo.
Auā o aso la sa ausia le 60 i le 70 container sa auina atu i fafo i le vaa.
O le faafaigofie i le malo e toe aga’i atu e lagolago o tatou faioloa ina ia mafai ona e fela’ua’i oloa ma ave le tulaga o le su’ega o maketi fou ma fesoasoani i mea tau tupe, auā e manaomia e tatou faioloa seleni e faagaioi uma ai galuega auā le auina tu i fafo o oloa.
