Ua fai fai tetele se mataupu e aofia ai ni teine aoga i se aoga i Sini sa ia faailoa lona le fiafia ina ua aveese mai ia ma nisi tamaitai aoga mai le faauuga a le tausaga 10 ona o a latou atigilima faapipii, fake nails.
Ua ta’ua e Eva Cole i le 9news o ia ma toeitiiti o le isi ‘afa o le vasega faauu na aveesea mai ma le faauuga lea a le Mackellar Girls School i le itu i Matu o Sini ona o atigilima faapipii.
Na ia faamatala i le polokalame a le Today sa lapataia e le aoga tamaiti uma o le a lē faatagaina ni atigilima vali peitai o latou faatoa mae’a le formal a le aoga sa teuteu ai atigilima.
O le faamatalaga mai le matagaluega o aoga e pei ona ta’ua i le lipoti ua faailoa ai sa manino le faasilasilaga a le aoga sa tuuina i tamaiti aoga ma ave ai foi tusi i matua ma e le talia e le aoga ni faiga teuteuga atigilima aemaise lava i le aso o le faauuga.
Pe a ma le 20 teine aoga e lei mafai ona oo i le stage mo le tuuina ane o tusipasi ona o le lē usitaia o faatonuga mai le Pule ma faiaoga.
