E silia ma le 4.7 miliona tagata Ausetalia o le a iai se faaopoopoga ia latou tupe maua mai le malo i le masina nei e fesoasoani ai i le taugata o le soifuaga ua iai i le atunuu.
Lipotia e le 7news o tagata e maua penefiti ma i latou e tausia gasegase poo carers o le a maua se faaopoopoga e $37.50 i le lua vaiaso faaopoopo ia latou tupe e masani ona maua i lea piliota
Amata atu la i le aso 20 o Mati ona maua lea faaopoopoga ma o le a aofia ai foi ma suiga mo i latou o loo maua le jobseeker payment ma le ABSTUDY o le a maua foi sei si vaegatupe faasili, fai mai le minisita o feagai ma lea auaunaga Amanda Rishworth, o le faamoemoe o le malo ia tali atu mo se fesoasoani i nai tagata o loo i se tulaga maaleale i lenei vaitau ona o luitau i le tau o le soifuaga.
Ui i lea faaaliga ae ua lipotia foi finagalo faaalia o nisi e le taitai lava lea fesoasoani pe a faatusa i luitau o loo feagai ma tagata i lenei vaitau.
