Ua faamaonia o tagata mai fafo lea na fasiotia i le faalavelave tau taavale na lavea ai le campervan i South Canterbury, peitai e le o iloa o latou suafa.
O le tala lata mai lea mai leoleo ao taumafai ai pea le ofisa e sailia aiga o le toatolu ua maliliu.
O le campervan foi na o ai e faapea o le taavale rent ma o lea na muamua feto’ai ma le pa i tafaala mulimuli ai mu i le vaveao o le Aso Gafua.
Ae mai tagata e nonofo i Geraldine ua faaalia lo latou popole i le magafā lenei ona o le tele o taavale lavevea e tutupu ai ma ua toe lagona ai foi ma le talosaga ua moomia le faaleleia o auala i tua aemaise o faailoilo mo le saogalemu.
Ua fai mai ai ma le South Canterbury Road Safety i le komiuniti e lipoti uma faalavelave agai i le council e tusa lava pe lē tugā i le vaai aemaise lava mo nuu i tua ona e fesoasoani tele lea i iloiloga ma faaiuga fai.
