Na tuusasa’o lava faaupuga o le tusi a le Pulenuu o Aukilani na ave i le pulega o le uafu a Aukilani.
O le aso ananafi na tuuina atu ai lea tusi, ma o le vaiaso nei o loo iloilo ai ae e lei feiloai.
O faaupuga o le tusi o loo amata lava i le lē lelei o le tautuaina o tagata Aukilani e le uafu, ma e le o tutusa tupe toe maua mai a ratepayers ma inivesi o loo tuuina atu e le Council.
E lei misi i le lisi a le Pulenuu le faitau selau miliona lea ua ma’umau i le poloketi na taumafai e faaotomeki ai masini i le uafu aemaise ai o le maliliu o tagata faigaluega.
E ese mai le tele o itu ua faatalosagaina e le Pulenuu le moomia ona faaleleia, ua ia faatalosagaina ai foi ma le tatau ona lipoti mai ia te ia i masina taitasi ma ia faaaoga tatau fanua o loo ia pulea.
I lipoti ua faamautinoa mai ai o lea ua maua e le pulega a le uafu lea tusi, ma o le masina fou o le a lipoti mai ai i le council.
Ae mo le lumanai o le uafu, o se tasi o mataupu o loo manao le Pulenuu e talanoaina ma le Palemia Jacinda Ardern pe a feiloai a taeao.
