Ua molia nei e leoleo i le ave faamalosi o se teineititi 17 tausaga se alii talavou 21 tausaga o le nuu o Faleatiu, ma le faamoemoe e iai nisi moliaga faaopoopo o lea taulealea.
O le Aso Gafua ua mavae na faailoa ai i le upega o fesoota’iga a le matagaluega o leoleo, falepuipui ma le toe fuata’ina le mana’omia o le fesoasoani a le atunuu i ni faamatalaga e sa’ilia ai lea tamaitai mai Leauvaa.
O le faai’uga o le vaiaso na te’a nei na salalau ai se ata video i luga o fesoota’iga televavave le api o foliga, sa faailoa ai e le taulealea ua molia nei e leoleo, lona teena o faamatalaga ua ta’ua ai sa ia ave faamalosi lea tamaitai.
Na mana’omia e leoleo le fesoasoani a le atunuu e sa’ilia ai lea taulealea e pei ona faailoa e leoleo lona suafa o Willow Lealofi Faisauvale o Faleatiu.
